TXAKUR BAT

Txaloka aritzeko esku jolas hau Imanol Urbietak asmatutako abesti batean oinarritua da. Euskaraz txaloka aritzeko kanta gutxi daude, eta, ondorioz, oso jolas gutxi aurkituko ditugu honela jolasteko. Beste hizkuntza batzuetan honelako zenbait abesti aspalditik transmititu izan dira, eta beste batzuk, azkeneko urteetan, telebistatik jaso dira: igarkizunak, marrazki bizidunetako kantak eta abar. Euskaraz, ordea, ez dira honelako jolasak transmititu eta, oraingoz, ez dira telebistatik ere jaso.

*ume txikiekin
Ume txikiekin eskuen mugimenduak errazteko denbora guztian 1, 2, 3 eta 4 mugimenduak errepika daitezke.

1. Jolaskideak binaka jarriko dira eta abestia kantatuz jarraian azalduko ditugun mugimenduak eskuekin egiten saiatuko dira. Bikotea elkarri begira jarriko da, eta kantatzen hasi aurretik eskuak gora eta behera astinduko dituzte esaldi hau esanez: TXA-KUR-BAT-E-RO-SI-DUT. Ondoren abesteari ekingo diote:

• norberaren bi eskuekin txalo egin.
• eskuin eskuarekin bikotearen eskuin eskua jo.
• norberaren bi eskuekin txalo egin.
• ezker eskuarekin bikotearen ezker eskua jo.
• norberaren bi eskuekin txalo egin.
• eskuin eskuarekin bikotearen ezkerrekoa jo eta ezkerrarekin bikotearen eskuinekoa (biak batera).
• eskuin eskua zeharka jarrita (atzamarrak ezkerrera begira) goialdean eta ezkerrekoa ere zeharka jarrita (atzamarrak eskuinera begira) beheko aldean, bikotearenak jo.
• eskuin eskuarekin bikotearen ezkerrekoa jo eta ezkerrekoarekin bikotearen eskuinekoa (biak batera).

2. Mugimendu hauek errepikatuko dira, abestia bukatu arte. Abestia bukatu denean, berriro hasiko dugu jolasa, baina oraingo honetan TXAKURRA esan beharrean KATUA esango dugu eta, ondorioz, katuaren soinua egingo: MIAU, MIAU, MIAU. Horrela behin eta berriz errepika daiteke abestia, animalia asko aipatuz.

Ume txikiekin, eskuen mugimenduak errazteko, denbora guztian 1, 2, 3 eta 4 mugimenduak errepika daitezke.

• HUTS EGIN: Gaizki egin
• ZENBAIT ANIMALIAREN OIHUAK:
  ahatea: piu piu, kua, ua ua
  ahuntza: marra marra, bee
  amiamokoa: klaka
  apoa: klik klok, kluk kluk, klin klon
  ardia: mee, jaubaa, bee
  astoa: aaaaaaa
  azeria: xanpa
  behia: bauu, murruum, marrun
  belea: karrak, kua kua, grau
  eulia: frixt, fir fir, firrindan
  hontza: uhuu
  kaioa: txirrin
  katua: ñau, mau, marrau, fut
  kilkerra: kir kir, txirri txirri
  kurriloa: kürü kürü
  kukua: kuku
  igela: kro kro, korrok
  oilarra: kukurruku
  oiloa: karaka
  otsoa: ulu, aiu, uru, julu
  txita: txirru txirru, txio-txio
  usoa: purrut, ttukurrukutu
  zozoa: txor txor
  txoria: txio txio, xiru xiru
  zakurra: sau sau, zaun zaun
  zaldia: ijijijijiji
  zerria: kurrin, krux

• Jarduera ludikoa:
entzumenezko, mugimenduzko eta trebetasunezko jokoa.
• Jokaera kognitiboak:
sentipenezko eta mugimenduzko jokaera erritmikoa: errepikapena. Eragiketa jokaera: arrazoibide konkretua.
• Trebetasun funtzionalak:
eraginkortasuna: trebetasuna eta kontzentrazioa.
• Alderdi sozialak:
kooperazio motako harremana

Txa-kur-bat-e-ro-si-dut

txakur bat erosi dut

zaun, zaun, zaun

merke azokan

zikina zegoen (e)ta

zinkiina zegone (e)ta

sartu dut baineran

zaun, zaun, zaun, zaun

txakur bat erosi dut

merke azokan

zaun, zaun, zaun

txakur bat erosi dut

merke azokan

zaun zaun.

Katu bat erosi dut

mau, mau, mau

…

Asto bat erosi dut

a, a, a

…

Ardi bat erosi dut

me, me, me

…