Skip to main content

HAU BESARKADA BAT DA


HAU BESARKADA BAT DA

Helburuak

Parte hartzaileen konfiantza handitzea, bai gizabanako gisa, bai taldekide gisa.
Jolastuz gozatzea.
Taldea kohesionatzea.

Parte hartzaileak

+8

Garapena

Taldea biribilean esertzera gonbidatuko dugu.
Jolas honetan, elkarrizketa kate bat sortuko dugula azalduko dugu.
Horretarako, “A” pertsonak honela esango dio eskuinean duenari, “B” pertsonari: Hau besarkada bat da, eta besarkada bat emango dio.
B-k, orduan, honela galdetuko dio A-ri: Zer bat?
Eta A-k erantzungo du: besarkada bat, eta besarkada bat emango dio.
B-k, berriz, honela esango dio C-ri (eskuinean duen hurrengoari): Hau besarkada bat da, eta besarkada bat emango dio.
C-k, orduan, honela galdetuko dio B-ri: Zer bat?
B-k, orduan, honela galdetuko dio A-ri: Zer bat?
A-k honela erantzungo dio B-ri: besarkada bat, eta besarkada bat emango dio.
B-k honela erantzungo dio C-ri: besarkada bat, eta besarkada bat emango dio.
Eta horrela hurrenez hurren, sekuentzia osatu eta zirkulua itxi arte.
Aldi berean, A-k beste mezu bat bidaliko du ezkerretik: Hau musu bat da, eta musu emango dio ezkerrean duenari.
Halako nahaste-borraste dibertigarri bat sortuko da horrela.
Tarte bat utziko dugu zalantzak argitzeko eta galderak egiteko.
Boluntario bat eskatuko dut jolasari ekiteko.
Bira osoa egin arte jarraituko dugu jolasean.

Antolaketa

Azalpenak zehatza eta garbia izan behar du, bestela era nahiko nahaste-borraste izango da eta. Eserita edo zutik aritu gaitezke, erosoen sentitzen garen moduan.

Jolas eremua

Edozein, guztiak biribilean jarrita sartzeko adinakoa bada.

Denbora

15 minutu.

Materiala

Ez da beharrik.

Aldaerak

Musu eta besarkaden ordez, beste edozer egin daiteke: miazkada bat, musu eskimal bat (sudurrarekin), laztan bat, etab.

Gomendioak

Parte hartu jolasean, taldean partaide izateko.

Ebaluazioa

Erreparatu ea taldeak ondo pasatu duen eta parte hartzaileen arteko harremanak pixka bat naturalagoak diren.

Close Menu