ITZALI ARGIAK!
Helburuak
Taldea isilik eta adi egotea lortzea.
Ahotsa goratu beharrik gabe hitz egin ahal izatea.
Parte hartzaileak
+20
Garapena
Argiak itzaliko ditugu.
Taldeak arreta jarri eta isiltasuna egin arte itxarongo dugu.
Eman beharreko agindua emango dugu.
Antolaketa
Estrategia hau erabiltzen hasi baino lehen, ondo azaldu behar da zertan datzan, eta haren erabilgarritasunaz denak ondo jabetzen direla ziurtatu. Bestela, kontrako efektua eragin dezake: hau da, argiak itzaltzean, iskanbila handiagotzea. Dena dela, argiak ez du denbora askoan egon beharko itzalita, isiltasuna nagusitu arte baino ez.
Jolas eremua
Edozein espazio itxi.
Denbora
2 minutu.
Materiala
Argiak.
Aldaerak
Kode bat asma dezakegu argiekin. Adibidez: argiak hiru aldiz piztu-itzaltzeak jostailuak jasotzen hasteko ordua dela esan nahi izan dezake.
Gomendioak
Dinamika hau talde handietan erabiltzekoa da, taldea beste jardueraren batean murgilduta dagoelako-edo isiltasuna lortzea zaila den uneetan. Adibidez: jolas librean ari direnean espazio zabal baina itxi batean, jangelan… etab.
Estrategia hau ez gehiegitan erabili; denborarekin baliteke eraginkortasuna galtzea.
Ebaluazioa
Isiltasuna lortzen den ikusi.
